حماية وطمأنينة لطفلك في كل خطوة
في Smiley Dental Care نعرف قد إيه زيارة طبيب الأسنان ممكن تكون تجربة مرهقة لطفلك… ويمكن ليك كأب أو أم كمان. علشان كده، بنهتم مش بس بالعلاج، لكن براحة الطفل النفسية من أول لحظة. بنستخدم أدوات وتقنيات آمنة، ونتعامل مع الطفل بلطف واحتواء، سواء في أول زيارة، أو أول حشو، أو حتى متابعة دورية.
امتى طفلك محتاج يزور طبيب الأسنان؟
وجع في الأسنان أو بقع بنية وسوداء بتظهر عليها.
عادة مص الإصبع أو طحن الأسنان أثناء النوم.
لثة منتفخة أو فيها احمرار مستمر.
رائحة فم غير معتادة أو ألم متكرر.
أسنان بتتأخر في الظهور أو بتقع بدري عن الطبيعي.
سن مكسور أو متخلخل بعد اللعب أو السقوط.
صعوبة في الأكل أو نطق بعض الحروف.
كل اللي طفلك محتاجه في مكان واحد
الحشو العادي للأطفال
بنعالج التسوس البسيط بخامات آمنة بلون طبيعي يندمج مع الأسنان – بدون ألم، وفي جو مريح يطمن الطفل.
حشو العصب للأطفال
في الحالات اللي بيكون فيها التسوس واصل لجذر السن، بنقدّم حشو عصب مخصص للأطفال، بتقنيات حديثة وتخدير موضعي لطيف يخلي التجربة هادية وسهلة.
التركيبات اللبنية
بعد حشو العصب في أسنان الأطفال، بنركب طرابيش الأسنان اللبنية علشان نحافظ على السن من الكسر أو التسوس من جديد.
حافظات المسافة
لو السن اللبني اتخلع بدري، بنركّب تركيبة خفيفة وآمنة تساعد في الحفاظ على مكان السن، علشان الأسنان الدائمة تطلع في مكانها الصحيح.
خدمات وقائية إضافية:
جلسات الفلورايد: لتقوية مينا الأسنان ومنع التسوس.
سدادات الشقوق (Sealants): لحماية الضروس من التسوس في المراحل المبكرة.
مع د. كيرلس مفدي
ليه تختار
Smiley Dental Care؟
أطباء مؤهلين ومتخصصين في طب الأسنان للأطفال.
عيادة مهيّأة بشكل مريح للأطفال.
صبر وهدوء في التعامل – عشان نكسب ثقته.
أدوات معقمة بالكامل.
بعض من صور اصدقائنا
رأي عملائنا من أولياء الامور
استمع إلى عملائنا اللي جربوا جودة وقيمة خدماتنا.
بنتي كانت مرعوبة من الكرسي، بس الدكتور كان في منتهى الهدوء واللُطف معاها. دلوقتي بتروح العيادة وهي مبسوطة.
مروة حسن
الدكتور شرحلي كل خطوة قبل ما يشتغل، واشتغل بسرعة ومن غير ما ابني يحس بأي وجع.
احمد سعيد
ركبنا طرابيش بعد الحشو، شكلهم طبيعي جدًا وبنتي بتاكل كويس من تاني يوم. شكراً يا للدكتور جداً
داليا الرائد
أسئلة شائعة عن طب أسنان الأطفال
إمتى أروح بابني لأول مرة لطبيب الأسنان؟
بننصح تكون أول زيارة بعد ظهور أول سن لبني أو عند عمر سنة تقريبًا. الزيارة دي بتساعدنا نتابع نمو الأسنان بدري، ونعوّد الطفل على جو العيادة في راحة وبدون خوف
هل لازم أعالج الأسنان اللبنية؟ مش هتقع لوحدها؟
الأسنان اللبنية ليها دور أساسي في المضغ، النطق، وحفظ مكان الأسنان الدائمة. إهمال علاجها ممكن يسبب ألم أو خراج، وأحيانًا مشاكل في نمو الفك بعدين.
هل حشو العصب للأطفال مؤلم؟
أبدًا، بنستخدم تخدير موضعي مخصص للأطفال، وأجهزة حديثة بتخلي التجربة مريحة وآمنة – من غير خوف أو توتر.
إيه الفرق بين حشو الأسنان اللبنية والدائمة؟
الأسنان اللبنية محتاجة مواد أخف وآمنة وسهلة الإزالة وقت التبديل، بعكس الأسنان الدائمة اللي بنستخدم فيها خامات تعيش لسنين طويلة.
ليه أسنان الأطفال بتسوس بسرعة؟
الإكثار من الحلويات والعصائر، أو النوم بالببرونة، وعدم تنظيف الأسنان كويس – دي الأسباب الأساسية. لكن الفحص المبكر والعادات الصح تمنع التسوس بسهولة.
مش أفضل أخلع السن بدل ما أعالجه؟
الخلع المبكر ممكن يسبب تزاحم في الأسنان الدائمة أو انحراف في الفك. الأفضل نحافظ على السن قدر الإمكان، ولو اتخلع بنركّب “حافظة مسافة” تحافظ على مكانه.
إيه هي التركيبات اللبنية؟ وهل آمنة فعلًا؟
التركيباب اللبنية بنستخدمها لما الطفل يعمل حشو عصب بأسنان لبنية وبتحافظ على التطابق.
هل الفلورايد آمن للأطفال؟
أيوه، لما يُستخدم بجرعات مناسبة وتحت إشراف الطبيب. الفلورايد بيقوّي مينا الأسنان ويقلل احتمالية التسوس بشكل كبير.
هل خلع الأسنان اللبنية بيأثر على الأسنان الدائمة؟
لو حصل بدري، ممكن الأسنان التانية تتحرك وتقفل الفراغ. عشان كده بنركّب حافظات مسافة لو لزم الأمر، لحد ما تطلع الأسنان الدائمة في مكانها الطبيعي.
ابني بيخاف من دكتور الأسنان.. أعمل إيه؟
في Smiley Dental Care بنبدأ بجلسة تعارف بسيطة من غير أي أدوات، علشان نكسب ثقته ونخليه يحس بالأمان. تقدري كمان تجهّزيه في البيت بقصة لطيفة عن “زيارة الطبيب البطل”.
هل عادة مص الإصبع أو دفع اللسان مؤذية؟
لو استمرت بعد سن 3–5 سنين، ممكن تأثر على شكل الفك أو ترتيب الأسنان. الطبيب ممكن يستخدم وسائل سلوكية أو أجهزة بسيطة تمنع العادة بطريقة مريحة وغير مؤلمة.